ରସୁଣ ଚା’ର ଉପକାରୀତା
ଅନେକଙ୍କୁ କ୍ଷୀର ଚା’,ନାଲି ଚା’ ଏହାସହ ଗ୍ରୀନ ଟି ପିଇବା ପସନ୍ଦ। ମାତ୍ର ରସୁଣ ଚା’ ବିଷୟରେ କେବେ ଶୁଣିଛନ୍ତି କି? ରସୁଣ ଚା’ର ସ୍ୱାସ୍ଥ୍ୟ ପାଇଁ ଚମତ୍କାରୀ ଲାଭ ରହିଛି। ରସୁଣ ଚା’ ପିଇବା ଦ୍ୱାରା ରକ୍ତରେ ଶର୍କରା ନିୟନ୍ତ୍ରଣ ହୋଇ ରହିବା ସହ କୋଲେଷ୍ଟେରୋଲ୍ ହ୍ରାସ କରିବାରେ ସହାୟକ ହୋଇଥାଏ।
ଜାଣନ୍ତୁ..
ରସୁଣ ଚା’ ମଧୁମେହ ରୋଗୀଙ୍କ ପାଇଁ ଖୁବ୍ ଉପକାରୀ। ଏହାଦ୍ୱାରା ରକ୍ତରେ ଶର୍କରାର ମାତ୍ରା ନିୟନ୍ତ୍ରଣ ହୋଇ ରହିଥାଏ।
ରସୁଣ ଚା’ ସେବନ କରିବା ଦ୍ୱାରା ଶରୀରରୁ ଅଦରକାରୀ ଜିନିଷ ନିର୍ଗତ କରିବାରେ ସହାୟକ ହୋଇଥାଏ।
ରସୁଣ ଚା’ ଓଜନ ହ୍ରାସ କରିବାରେ ସହାୟକ ହୋଇଥାଏ। ଏହା ଶରୀରରେ ଚର୍ବିକୁ ଜମାଟ ବାନ୍ଧିବାକୁ ଦେଇନଥାଏ।
ରସୁଣ ଚା’ହୃଦୟ ଜନିତ ରୋଗକୁ ଦୂର କରିବାରେ ସହାୟକ ହୋଇଥାଏ। ହୃଦୟକୁ ସୁସ୍ଥ ରଖିଥାଏ। ଶରୀରରୁ ଖରାପ କୋଲେଷ୍ଟେରୋଲ୍ ସ୍ତରକୁ କମ୍ କରିଥାଏ।
ରସୁଣ ଚା’ ନିଶ୍ୱାସପ୍ରଶ୍ୱାସ ଜନିତ ସମସ୍ୟାକୁ ଦୂର କରିଥାଏ। ଶ୍ୱାସ ଜନିତ ରୋଗରୁ ରକ୍ଷା କରିଥାଏ। ଥଣ୍ଡା,କାଶ ସମୟରେ ଏହାର ସେବନ କରିବା ଲାଭଦାୟକ।
ରସୁଣ ଚା’ ଶରୀରରେ ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ।
