ସୁଟିଂରେ ବ୍ୟସ୍ତ ଅନୁଷ୍କା

ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ଆଗାମୀ ନେଟ୍ଫ୍ଲିକ୍ସ ଫିଲ୍ମ ‘ଚକଦା ଏକ୍ସପ୍ରେସ୍’ର ସୁଟିଂରେ ବ୍ୟସ୍ତ ଅଛନ୍ତି । ଏଥିରେ ସେ ଭାରତୀୟ ମହିଳା କ୍ରିକେଟ୍ ଟିମ୍ର ପୂର୍ବତନ କ୍ୟାପ୍ଟେନ୍ ଝୁଲନ୍ ଗୋସ୍ୱାମୀଙ୍କ ଚରିତ୍ରରେ ଅଭିନୟ କରୁଛନ୍ତି । ତେବେ ଫିଲ୍ମରେ ନିଜର ଏକ ନୂଆ ଫଟୋ ସେୟାର୍ କରିଛନ୍ତି ଅନୁଷ୍କା । ଫଟୋରୁ ଦେଖିବାକୁ ମିଳିଛି କଲିକତାର ଏକ ରାସ୍ତାକଡ଼ ଦୋକାନରେ ଛିଡ଼ା ହୋଇଛନ୍ତି ଓ ପ୍ରବଳ ବର୍ଷା ହେଉଛି । ଅବଶ୍ୟ ଦୀର୍ଘ ସମୟ ଧରି ସେ ଏହି ଫିଲ୍ମ ଲାଗି କଠିନ ପରିଶ୍ରମ କରି ଆସୁଛନ୍ତି । ଏପରିକି ଏ ଲାଗି ତାଙ୍କୁ ଟ୍ରେନିଂ ମଧ୍ୟ ନେବାକୁ ପଡ଼ିଛି । ସେହିପରି ଅନୁଷ୍କାଙ୍କୁ ତାଙ୍କ କ୍ରିକେଟର ସ୍ୱାମୀ ବିରାଟ କୋହଲି ମଧ୍ୟ ଟ୍ରେନିଂ ପ୍ରଦାନ କରିଛନ୍ତି । ଫିଲ୍ମର ପ୍ରଥମ ଭାଗ କୋଲକତାରେ ସୁଟିଂ କରାଯାଇଛି । ଅନ୍ୟପଟେ ଏହି ଫିଲ୍ମଟିକୁ ୨୦୨୩ରେ ରିଲିଜ୍ କରାଯିବ । ଏହା ସହ ଏହି ଫିଲ୍ମ ମାଧ୍ୟମରେ ପାଞ୍ଚ ବର୍ଷ ପରେ ବଡ଼ ପରଦାକୁ ଫେରିବେ ଅନୁଷ୍କା । ଶେଷଥର ପାଇଁ ସେ ଫିଲ୍ମ ‘ଜିରୋ’ରେ ଶାହରୁଖ ଖାନ୍ଙ୍କ ସହ ନଜର ଆସିଥିଲେ ।