ସୁସ୍ଥ ହେଲେ ମହାପ୍ରଭୁ, ଗଜପତିଙ୍କ ପାଖକୁ ଆସିଲା ଖବର

ଭୁବନେଶ୍ବର: ସ୍ନାନଯାତ୍ରା ପରେ ମହାପ୍ରଭୁ ଅସୁସ୍ଥ ହୋଇପଡିଥିଲେ। ତାଙ୍କୁ ଚେରମୂଳି ଔଷଧ ଦେବା ପରେ ସେ ସୁସ୍ଥ ହୋଇଛନ୍ତି। ଏହି ଖବର ଗତକାଲି ଗଜପତି ଦିବ୍ୟସିଂହ ଦେବଙ୍କ ନିକଟକୁ ଆସିଥିଲା। ଶ୍ରମନ୍ଦିରରୁ ଏହି ଖବର ନେଇ ଆସିଥିଲେ ଦଇତାପତି ଓ ବିଦ୍ୟାପତି। ସେମାନେ ପାଟବସ୍ତ୍ର ଏବଂ ଚନ୍ଦନ ଧରି ଗଜପତିଙ୍କୁ ଭେଟି ଦେଲେ। ଶ୍ରୀଜଗନ୍ନାଥଙ୍କ ସଂସ୍କୃତିରେ ରହିଛି ଏହିପରି ଏକ ପରଂପରା, ଏହାକୁ ରାଜପ୍ରାସାଦ ନୀତି ବୋଲି କୁହାଯାଇଥାଏ। ପ୍ରତିବର୍ଷ ଶ୍ରୀମନ୍ଦିରରେ ପବିତ୍ର ଅନବସର ଦ୍ୱାଦଶୀ ତିଥିରେ ରାଜପ୍ରାସାଦ ବିଜେ ନୀତି ଅନୁଷ୍ଠିତ ହୋଇଥାଏ। ଏହାପରେ ପ୍ରଭୃଙ୍କର ହେବ ନେତ୍ର ଉତ୍ସବ ଏବଂ ପରେ ରଥଯାତ୍ରା।