ରାଜ୍ୟ କଂଗ୍ରେସ ଜାରି କଲା ନିର୍ବାଚନୀ ଇସ୍ତାହାର

ଭୁବନେଶ୍ଵର: ୨୦୨୪ ସାଧାରଣ ନିର୍ବାଚନ ମାତ୍ର ଆଉ କିଛି ଦିନ ବାକି ଥିବା ବେଳେ ଆସନ୍ତାକାଲି ଏନେଇ ତାରିଖ ଘୋଷଣା କରାଯିବ। ଆସନ୍ତାକାଲି ତାରିଖ ଘୋଷଣା ପରେ ସମଗ୍ର ଦେଶରେ ଆଦର୍ଶ ଆଚରଣ ବିଧି ଲାଗୁହେବ। ଏଥିପାଇଁ ସମସ୍ତ ରାଜନୈତିକ ଦଳଗୁଡିକ ପ୍ରସ୍ତୁତି ଆରମ୍ଭ କରିଦେଇଛନ୍ତି। ଏହିକ୍ରମରେ ଓଡିଶା ପାଇଁ ଆଜି ଓଡିଶା ପ୍ରଦେଶ କଂଗ୍ରେସ ନିର୍ବାଚନୀ ଇସ୍ତାହାର ଘୋଷଣା କରିଛି। ତେବେ ଓଡିଶାବାସୀଙ୍କ ପାଇଁ କଂଗ୍ରେସ ୯ ଟି ପ୍ରତିଶ୍ରୁତି ଦେଇଛି। ଆସନ୍ତୁ ଜାଣିବା କଂଗ୍ରେସର ଇସ୍ତାହାରରେ ଓଡିଶାବାସୀଙ୍କ ପାଇଁ କ’ଣ ରହିଛି ପ୍ରତିଶ୍ରୁତି?  କୃଷକଙ୍କ ପାଇଁ କୃଷିଋଣ ଛାଡ, ଧାନ କ୍ଵିଣ୍ଟାଲ ପିଛା ୩ ହଜାର ଟଙ୍କା ଏବଂ ଚାଷୀଙ୍କୁ ୨ ହଜାର ଟଙ୍କା ଭତ୍ତା।  ବିଜୁଳି ଉପଭୋକ୍ତାଙ୍କୁ ୨ ଶହ ୟୁନିଟ ବିଜୁଳି ଦେୟ ଛାଡ । ୫ ଲକ୍ଷ ଯୁବକ ଯୁବତୀଙ୍କୁ ନିଯୁକ୍ତି। ବେକାରୀ ଭତ୍ତା ମାସିକ ୩ ହଜାର ଟଙ୍କା। ମହିଳା ସ୍ଵୟଂ ସହାୟିକା ଗୋଷ୍ଠୀଙ୍କ ବ୍ୟାଙ୍କ ଋଣ ଛାଡ । ବାର୍ଦ୍ଧକ୍ୟ/ ବିଧବା ଭତ୍ତା ମାସିକ ୨ ହଜାର । ପ୍ରତ୍ୟେକ ପରିବାରକୁ ୫୦୦ ଟଙ୍କାରେ ଗ୍ୟାସ ସିଲିଣ୍ଡର