ତାମିଲନାଡୁର ୧୨ ମତ୍ସ୍ୟଜୀବୀଙ୍କୁ ଗିରଫ କଲା ଶ୍ରୀଲଙ୍କା ନୌସେନା

ନୂଆଦିଲ୍ଲୀ: ତାମିଲନାଡୁର ୧୨ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଶ୍ରୀଲଙ୍କା ନୌସେନା ପରୁଥୁରାଇ ନିକଟ ଆନ୍ତର୍ଜାତୀୟ ସାମୁଦ୍ରିକ ସୀମା ରେଖା (ଆଇଏମବିଏଲ) ଅତିକ୍ରମ କରିଥିବା ଅଭିଯୋଗରେ ଗିରଫ କରିଛି। ତାମିଲନାଡୁର ଉପକୂଳ ପୋଲିସ ଅଧିକାରୀ କହିଛନ୍ତି ଯେ, ସେମାନଙ୍କୁ ମଙ୍ଗଳବାର ସକାଳେ ଗିରଫ କରାଯାଇଛି। ଶ୍ରୀଲଙ୍କାର ନୂତନ ରାଷ୍ଟ୍ରପତି ଅନୁରା କୁମାରା ଦିସାନାୟକେ ଏକ ସାର୍ବଜନୀନ ବିବୃତ୍ତି ଦେବା ପରେ ଏହି ଗିରଫଦାରୀ ଘଟିଛି, ଯେଉଁଥିରେ ସେ ଦୀପ ଦେଶର ଜଳରେ ବେଆଇନ ଭାବେ ମାଛ ଧରି ଶ୍ରୀଲଙ୍କାର ସାମୁଦ୍ରିକ ସମ୍ପଦ ନଷ୍ଟ କରିଥିବାର ଭାରତୀୟ ମତ୍ସ୍ୟଜୀବୀଙ୍କ ବିଷୟରେ ଚିନ୍ତା ପ୍ରକଟ କରିଥିଲେ।