ମୁନିଗୁଡା ଅମୃତ ଭାରତ ରେଳ ଷ୍ଟେସନଠାରେ ରେଳକୋଚ୍ ରେଷ୍ଟୁରାଣ୍ଟ ଉଦଘାଟିତ

ଭୁବନେଶ୍ଵର: ଯାତ୍ରୀଙ୍କୁ ଉତ୍ତମ ମାନସହ ୨୪ଘଣ୍ଟିଆ ଖାଦ୍ୟ ସେବା ଯୋଗଇଦେବା ଲକ୍ଷରେ ରେଳ ବିଭାଗ ତରଫରୁ ମୁନିଗୁଡା ଅମୃତ ଭାରତ ରେଳ ଷ୍ଟେସନଠାରେ ରେଳକୋଚ୍ ରେଷ୍ଟୁରାଣ୍ଟ ଉଦଘାଟିତ ହୋଇଯାଇଛି। ବିଷମକଟକ ବିଧାୟକ ନିଳମାଧବ ହିକ୍କା ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦଘାଟନ କରିଛନ୍ତି। ଏହି ରେଳ କୋଚ୍ ରେଷ୍ଟୁରାଣ୍ଟ ସମ୍ବଲପୁର ଡିଭିଜନର ତୃତୀୟ ରେଷ୍ଟୁରାଣ୍ଟ। ମୁନିଗୁଡା କନ୍ଧମାଳ, ରାୟଗଡ଼ା ଓ କଳାହାଣ୍ଡି ଜିଲ୍ଲାର ଅଧିକାଂଶ ଅଞ୍ଚଳର ଲୋକେ ଏହି ରେଳ ଷ୍ଟେସନ ଉପରେ ନିର୍ଭରଶୀଳ ଥିବାରୁ ଏହା ଲୋକଙ୍କ ଆବଶ୍ୟକତା ପୂରଣ କରିବ ବୋଲି କହିଛନ୍ତି ରେଳ ବିଭାଗୀୟ ଅଧିକାରୀ।