ବନ୍ଦ ହେବ ନାହିଁ ପେଟିଏମ୍ ଆପ୍
ନୂଆଦିଲ୍ଲୀ: ଆରବିଆଇ ସ୍ପଷ୍ଟ ଭାବେ କହିଛି ଯେ ଫେବ୍ରୁଆରି ୨୯ ତାରିଖ ପରେ ପେଟିଏମ୍ ଆପ୍ ବନ୍ଦ ହେବ ନାହିଁ। ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) କହିଛି ଯେ ପେଟିଏମ୍ ପେମେଣ୍ଟ ବ୍ୟାଙ୍କ (ପିପିବିଏଲ୍) ବିରୋଧରେ ନିୟାମକ କାର୍ୟ୍ୟାନୁଷ୍ଠାନ ଗ୍ରହଣ କରାଯାଇଛି ଏବଂ ପେଟିଏମ୍ ଆପ୍ ଏହା ଦ୍ୱାରା ପ୍ରଭାବିତ ହେବ ନାହିଁ। ଜାନୁଆରି ୩୧ ତାରିଖରେରିଜର୍ଭ ବ୍ୟାଙ୍କ ପେଟିଏମ୍ ପେମେଣ୍ଟ ବ୍ୟାଙ୍କ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରି ଏହାକୁ ନିଷିଦ୍ଧ କରିଥିଲା । ଚଳିତବର୍ଷ ଫେବ୍ରୁଆରି ୨୯ ତାରିଖ ପରେ କୌଣସି ଗ୍ରାହକ ଆକାଉଣ୍ଟ, ପ୍ରିପେଡ୍ ଇନଷ୍ଟ୍ରୁମେଣ୍ଟ, ୱାଲେଟ୍ ଏବଂ ଫାଷ୍ଟାଗରେ ଜମା କିମ୍ବା ଟପ୍ ଅପ୍ ଗ୍ରହଣ ନକରିବାକୁ ଆରବିଆଇ ନିର୍ଦ୍ଦେଶ ଦେଇଛି। ଏଭଳି ପରିସ୍ଥିତିରେ ପେଟିଏମର ବ୍ୟାଙ୍କ ଆକାଉଣ୍ଟ ବ୍ୟବହାର କରୁଥିବା ଉପଭୋକ୍ତାଙ୍କ ସମସ୍ୟା ବଢ଼ିଯାଇଛି। ବର୍ତ୍ତମାନ, ଲୋକଙ୍କ ମନରେ ଅନେକ ପ୍ରକାରର ପ୍ରଶ୍ନ ଅଛି। ଅନେକ ଲୋକ ପେଟିଏମ୍ ପେମେଣ୍ଟସ୍ ବ୍ୟାଙ୍କ ଏବଂ ପେଟିଏମ୍ ଆପ୍ କୁ ଗୋଟିଏ ଭାବରେ ବିଚାର କରୁଛନ୍ତି। ଏଥି ସହିତ, ଅନେକ ଲୋକ ଦ୍ୱନ୍ଦ୍ୱରେ ପଡିଛନ୍ତି ଯେ ଆରବିଆଇ ଦ୍ୱାରା ପେଟିଏମ୍ ପେମେଣ୍ଟ ବ୍ୟାଙ୍କ ଉପରେ ନିଷେଧାଦେଶ ହେତୁ ଫେବ୍ରୁଆରି ୨୯ ତାରିଖ ପରେ ପେଟିଏମ୍ ଆପ୍ ମଧ୍ୟ ବନ୍ଦ ରହିବ କି? ବର୍ତ୍ତମାନ ଆରବିଆଇ ପକ୍ଷରୁ ଏକ ବଡ ବିବୃତି ଆସିଛି।
