ନୂତନ ସଂସଦ ଭବନ ଉଦଘାଟନ ମାମଲା: ଆବେଦନ ଶୁଣିବାକୁ ମନା କଲେ ସୁପ୍ରିମକୋର୍ଟ

ନୂଆଦିଲ୍ଲୀ: ରାଷ୍ଟ୍ରପତିଙ୍କୁ ନୂତନ ସଂସଦ ଭବନ ଉଦଘାଟନ କରିବାକୁ ଆବେଦନ ଉପରେ ଆଜି ସୁପ୍ରିମକୋର୍ଟରେ ଶୁଣାଣି ହୋଇଛି। ନୂତନ ସଂସଦର ଉଦଘାଟନ ବିରୋଧରେ ଦାଖଲ ହୋଇଥିବା ଆବେଦନ ଶୁଣିବାକୁ ମନା କରି ସୁପ୍ରିମକୋର୍ଟ ଆବେଦନକାରୀଙ୍କୁ କହିଛନ୍ତି ଯେ, ‘ଏପରି ଆବେଦନ କରିବା ପାଇଁ ଆମେ କାହିଁକି ଜୋରିମାନା ଆଦାୟ କରିବୁନାହୁଁ।’ ଏହି ଆବେଦନକୁ ସିଆର ଜୟସୁକିନ୍ ନାମକ ଜଣେ ଓକିଲ ଦାଖଲ କରିଥିଲେ। ଶୁଣାଣି ସମୟରେ ଆବେଦନକାରୀଙ୍କ ତରଫରୁ ଯୁକ୍ତି କରାଯାଇଥିଲା ଯେ ‘ରାଷ୍ଟ୍ରପତିଙ୍କ ସାମ୍ବିଧାନିକ ମୁଖ୍ୟ ପଦବୀ ରହିଛି। ଆମେ ଏଥିରେ ହସ୍ତକ୍ଷେପ କରିବାକୁ ଚାହୁଁନାହୁଁ। ରାଷ୍ଟ୍ରପତିଙ୍କର ସାମ୍ବିଧାନିକ ମୁଖ୍ୟ ପଦ ରହିଛି। ଏହା ଉପରେ ସୁପ୍ରିମକୋର୍ଟ କହିଛନ୍ତି ଯେ ଏହା ଏକ ମାମଲା ନୁହେଁ ଯେଉଁଥିରେ କୋର୍ଟ ହସ୍ତକ୍ଷେପ କରିବା ଉଚିତ୍। କାର୍ଯ୍ୟନିର୍ବାହୀ ମୁଖ୍ୟ (ପ୍ରଧାନମନ୍ତ୍ରୀ) ସଂସଦର ଜଣେ ସଦସ୍ୟ। ସାମ୍ବିଧାନିକ ମୁଖ୍ୟ (ରାଷ୍ଟ୍ରପତି) ସଂସଦର ଏକ ଅଂଶ। ଆମେ ଏହି ଆବେଦନକୁ ଖାରଜ କରିବାକୁ ଯାଉଛୁ। ଏହା ପରେ ଓକିଲ ଆବେଦନ ପ୍ରତ୍ୟାହାର କରିବାକୁ ଅନୁମତି ମାଗିଥିଲେ। ଏହା ଉପରେ ସଲିସିଟର ଜେନେରାଲ କହିଛନ୍ତି ଯେ, ଯଦି ଆବେଦନ ପ୍ରତ୍ୟାହାର କରିବାକୁ ଅନୁମତି ଦିଆଯାଏ ତେବେ ଏହା ହାଇକୋର୍ଟକୁ ଯିବ। ଏହା ଉପରେ କୋର୍ଟ ଆବେଦନକାରୀଙ୍କୁ ପଚାରିଥିଲେ ଯେ ଆପଣ ହାଇକୋର୍ଟ ଯିବେ କି? ଓକିଲଙ୍କ ପକ୍ଷରୁ ଏହା କୁହାଯାଇଥିଲା, ନା। ଏହା ଉପରେ ଜଜ୍ ଆବେଦନ ପ୍ରତ୍ୟାହାର କରିବାକୁ ଅନୁମତି ଦେଇଛନ୍ତି।