ଗିରଫ ହେଲେ ରାଷ୍ଟ୍ରୀୟ ଯୁବ କଂଗ୍ରେସ ସଭାପତି
ନୂଆଦିଲ୍ଲୀ: ଦିଲ୍ଲୀ ଏଆଇ ସମିଟରେ ଟି ସାର୍ଟ ଖୋଲି ଯୁବ କଂଗ୍ରେସର ବିରୋଧ ପ୍ରଦର୍ଶନ ଘଟଣା । ଗିରଫ ହେଲେ ରଷ୍ଟ୍ରୀୟ ଯୁବ କଂଗ୍ରେସ ସଭାପତି ଉଦୟ ଭାନୁ ଚିବ। ଗତ ଶୁକ୍ରବାର ଏଆଇ ସମିଟରେ ବିରୋଧ ପ୍ରଦର୍ଶନ କରିଥିଲା ଯୁବ ଛାତ୍ର କଂଗ୍ରେସ । ଭାରତ ମଣ୍ଡପରେ ଆୟୋଜିତ ସମିଟରେ କରିଥିଲେ ହଙ୍ଗାମା ।ଏଆଇ ମିଟ୍ରେ ସାର୍ଟଲେସ୍ ପ୍ରତିବାଦ ମାମଲାରେ ତିଲକ ମାର୍ଗ ପୋଲିସ ଷ୍ଟେସନରେ ପ୍ରାୟ 15 ଘଣ୍ଟା ପଚରାଉଚରା ପରେ ଚିବଙ୍କୁ ଗିରଫ କରାଯାଇଛି। ପୋଲିସ ସୂତ୍ର ଅନୁଯାୟୀ, ପଚରାଉଚରା ସମୟରେ ଚିବ ସହଯୋଗ କରିନଥିଲେ ଏବଂ ତଦନ୍ତକାରୀଙ୍କୁ ଭ୍ରମିତ କରିବାକୁ ଚେଷ୍ଟା କରିଥିଲେ। ସେମାନେ କହିଛନ୍ତି ଯେ ତାଙ୍କ ବିରୁଦ୍ଧରେ ପର୍ଯ୍ୟାପ୍ତ ପ୍ରମାଣ ଅଛି। ଚିବଙ୍କୁ ଏବେ କୋର୍ଟରେ ହାଜର କରାଯିବ। ଏହି ମାମଲାରେ ଏହା ଅଷ୍ଟମ ଗିରଫଦାରୀ।ବିଜେପି ପୂର୍ବରୁ ସାର୍ଟଲେସ୍ ପ୍ରତିବାଦକୁ “ଚରିତ୍ରହୀନ, ମସ୍ତିଷ୍କହୀନ ଏବଂ ଭାବପ୍ରବଣ” ବୋଲି କହିଥିଲା। ଦଳର ମୁଖପାତ୍ର ଶେହଜାଦ ପୁନାୱାଲା କଂଗ୍ରେସ ଉପରେ ଜାତୀୟ ପ୍ରଗତିକୁ ଦୁର୍ବଳ କରୁଥିବା ଅଭିଯୋଗ କରିଥିଲେ।
