ସମସ୍ତ ଭୂମିହୀନଙ୍କ ପାଇଁ ବଣ୍ଟାଯିବ ୪ ଡିସିମିଲ ଲେଖାଏଁ ଜାଗାର ପଟ୍ଟା: ଉପମୁଖ୍ୟମନ୍ତ୍ରୀ କେଭି ସିଂହଦେଓ

ଭୁବନେଶ୍ଵର: ରାଜ୍ୟର ସମସ୍ତ ଭୂମିହୀନଙ୍କୁ ୪ ଡିସିମିଲ ଲେଖାଏଁ ଜାଗାର ପଟ୍ଟା ବଣ୍ଟନ କରାଯିବ ବୋଲି କହିଛନ୍ତି ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ। ପାଟଣାଗଡ ହରିଶଙ୍କର ସମ୍ମିଳନୀ ସଦନରେ ପାଟଣାଗଡ ନିର୍ବାଚନ ମଣ୍ଡଳୀ ଓ ବ୍ଲକର ୨୭୩ ଜଣଙ୍କୁ ପଟ୍ଟା ବଣ୍ଟନ ପାଇଁ ଚିହ୍ନଟ କରାଯାଇ ୭୦ ଜଣଙ୍କୁ ପଟ୍ଟା ବଣ୍ଟନ କରାଯାଇଛି। ଅବଶିଷ୍ଟ ୨୦୩ ଜଣଙ୍କୁ ପରେ ବଣ୍ଟନ କରାଯିବ। ବର୍ତ୍ତମାନ କେନ୍ଦ୍ର ଓ ରାଜ୍ୟରେ ଡବଲ ଇଞ୍ଜିନ ସରକାର ବେଳେ ଭୂମିହୀନଙ୍କୁ ଖୁବ୍ଶୀଘ୍ର ପଟ୍ଟା ଦିଆଯାଉ ବୋଲି ସେ କହିଛନ୍ତି। ପଟ୍ଟା ପାଇଥିବା ବ୍ୟକ୍ତିମାନେ ଖୁସିବ୍ୟକ୍ତ କରି କହିଛନ୍ତି, ଆଗାମୀ ଦିନରେ ସେମାନେ ପ୍ରଧାନମନ୍ତ୍ରୀ ଆବାସ ଯୋଜନାରେ ହିତାଧିକରୀ ରୂପେ ସାମିଲ ହୋଇପାରିବେ।