ଶିଳ୍ପ ସମୃଦ୍ଧ ହେବ ଖୋର୍ଦ୍ଧା, ସୃଷ୍ଟି ହେବ ୩୭ ହଜାରରୁ ଉର୍ଦ୍ଧ୍ଵ ନିଯୁକ୍ତି ସୁଯୋଗ: ମୁଖ୍ୟମନ୍ତ୍ରୀ

ଭୁବନେଶ୍ବର: ଖୋର୍ଦ୍ଧା ଜିଲ୍ଲା ହେବ ଶିଳ୍ପର ହବ, ସୃଷ୍ଟି ହେବ ବ୍ୟାପକ ନିଯୁକ୍ତି। ଖୋର୍ଦ୍ଧାର କାଳିବାଟି, ମୁଣ୍ଡାଆମ୍ବ ଓ ହଳଦୀପଦାରେ ମୋଟ ୧୩ ଟି ନୂତନ ଶିଳ୍ପ ପାଇଁ ଭିତ୍ତିପ୍ରସ୍ତର ସ୍ଥାପନ କରାଯିବା ସହ ଗୋଟିଏ ଶିଳ୍ପକୁ ଉଦଘାଟନ କରିଛନ୍ତି ମୁଖମନ୍ତ୍ରୀ। ଏହି ଶିଳ୍ପ ଦ୍ୱାରା ପ୍ରାୟ 6ହଜାର କୋଟି ଟଙ୍କାର ପୁଞ୍ଜି ନିବେଶ କରାଯିବ। ଏବଂ ପ୍ରତ୍ୟକ୍ଷ ଓ ପରୋକ୍ଷରେ ୩୭ ହଜାରରୁ ଉର୍ଦ୍ଧ ନିଯୁକ୍ତି ସୁଯୋଗ ସୃଷ୍ଟି ହେବ। ଜିଲ୍ଲାରେ ଶିଳ୍ପ ପ୍ରକଳ୍ପ ଗୁଡ଼ିକର ଭିତ୍ତିପ୍ରସ୍ତର ସ୍ଥାପନ ହଳଦୀପଦା ଠାରେ ମହାସମାରୋହରେ ପାଳନ ହୋଇଛି। ଏହି ସମାରୋହରେ ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରକଳ୍ପ ଗୁଡ଼ିକର ଭିତ୍ତିପ୍ରସ୍ତର ସ୍ଥାପନ ସହିତ ସମବେତ ଜନତାଙ୍କୁ ସମ୍ବୋଧିତ କରିଛନ୍ତି। ଅନ୍ୟ ମାନଙ୍କ ମଧ୍ୟରେ ଶିଳ୍ପମନ୍ତ୍ରୀ ସମ୍ପଦ ସ୍ୱାଇଁ, ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ, ଜଟଣୀ ବିଧାୟକ ବିଭୁତି ଭୂଷଣ ବଳବନ୍ତରାୟ, ଶିଳ୍ପ ସଚିବ ହେମନ୍ତ ଶର୍ମା,ଇପିକଲ ଏମଡି ଭୂପେନ୍ଦ୍ର ସିଂ ପୁନିଆ ଏବଂ ଜିଲ୍ଲାପାଳ ଚଞ୍ଚଳ ରାଣା ଉପସ୍ଥିତ ଥିଲେ। ଏହି ଅବସରରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ମୁଖ୍ୟମନ୍ତ୍ରୀ କହିଛନ୍ତି ଖୋର୍ଦ୍ଧା ଅଞ୍ଚଳରେ ଦୁଇଟି ସ୍ଥାନରେ ମେକ ଇନ ଓଡିଶା ଓ ଉତ୍କର୍ଷ ଓଡିଶା କନକଲେଭ ହୋଇଥିଲା ସେଥିରେ ଅନେକ ପୁଞ୍ଜି ନିବେଶକାରୀ ପୁଞ୍ଜି ନିବେଶ ପାଇଁ ଆଗ୍ରହ ପ୍ରକାଶ କରିଥିଲେ। ଆଜି ୧୪ ଟି ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ ଓ ଗୋଟିଏ ପ୍ରକଳ୍ପର ଉଦଘାଟନ କରାଯାଇଛି। ଏ ଅଞ୍ଚଳରେ ୬ ହଜାର କୋଟି ଟଙ୍କାର ଇଂଭେଷ୍ଟ କରାଯିବ। ଏଥିରେ ୩୦ ହଜାର ୫୦୦ ନିଯୁକ୍ତି ସୃଷ୍ଟି ହେବ। ନୂଆ ସରକାରର ଗୋଟିଏ ନୀତି ଅର୍ଥନୈତିକ ଅବିବୃଦ୍ଧି ପାଇଁ ଶିଳ୍ପ ପ୍ରତିଷ୍ଠା ହେବ ତାହାର ବାସ୍ତବତା ପାଇଁ ଆଜି ତାର ଭିତ୍ତି ପ୍ରସ୍ତର ସ୍ଥାପନ କରାଯାଇଛି। ଏହା ଆମର ପ୍ରଥମ ସଫଳତା ଆଗାମୀ ଦିନରେ ଏହି ଭଳି ଶ୍ରୀ ଗଣେଶ କରିବା ଓ ଶୁଭାରମ୍ଭ କରିବା। ସମୃଦ୍ଧ ଓଡିଶା ସୃଷ୍ଟି କରିବା ପାଇଁ ଭିତ୍ତିଭୂମି ଓ ଅର୍ଥନୈତିକ ଦୃଷ୍ଟି କୋଣରୁ ଆଜିର କାର୍ଯ୍ୟକ୍ରମ ଓଡିଶା ଆଗାମୀ ଦିନରେ ବିକାଶ କ୍ଷେତ୍ରରେ ଆଗକୁ ବଢିବ।