ପୁଣି ଭାରତ-ପାକିସ୍ତାନ ମହାଲଢେଇ: ଏସିଆ କପ ଫାଇନାଲରେ ପ୍ରଥମ ଥର ହେବେ ମୁହାଁମୁହିଁ

ନୂଆଦିଲ୍ଲୀ: ଏକ ଭର୍ଚୁଆଲ୍ ସେମିଫାଇନାଲ କୁହାଯାଉଥିବା ମ୍ୟାଚରେ ପାକିସ୍ତାନ ବାଂଲାଦେଶକୁ ୧୧ ରନରେ ପରାସ୍ତ କରିଛି। ଦୁବାଇ ଗ୍ରାଉଣ୍ଡରେ ମାତ୍ର ୧୩୫ ରନ ରକ୍ଷା କରି ପାକିସ୍ତାନ ଫାଇନାଲରେ ପ୍ରବେଶ କରିଥିଲା। ୨୦୨୫ ଏସିଆ କପର ଫାଇନାଲ ଏବେ ସେପ୍ଟେମ୍ବର ୨୮ ତାରିଖରେ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯିବ। ସେମାନଙ୍କର ଶେଷ ସୁପର ଫୋର୍ ମ୍ୟାଚ୍‌ରେ ପାକିସ୍ତାନ ପ୍ରଥମେ ବ୍ୟାଟିଂ କରି ମାତ୍ର ୧୩୫ ରନ କରିଥିଲା। ଜବାବରେ ବାଂଲାଦେଶ ନିର୍ଦ୍ଧାରିତ ଓଭରରେ ୯ ୱିକେଟ୍ ହରାଇ ମାତ୍ର ୧୨୪ ରନ କରିପାରିଥିଲା। ଶାହିନ ଆଫ୍ରିଦି ପାକିସ୍ତାନର ବିଜୟର ହିରୋ ଥିଲେ। ସେ ୪ ଓଭରରେ ମାତ୍ର ୧୭ ରନ ଦେଇ ୩ ଟି ୱିକେଟ୍ ନେଇଥିଲେ। ସ୍ପିଡ୍ ଷ୍ଟାର ହାରିସ୍ ରୌଫ୍ ମଧ୍ୟ ୩ ଜଣ ବାଂଲାଦେଶୀ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଥିଲେ।