ଇତିହାସ ରଚିବ ଭାରତ: ଆଇଏସଏସ ଯାତ୍ରା କରିବେ ଶୁଭାଂଶୁ ଶୁକ୍ଲା

ନୂଆଦିଲ୍ଲୀ: ମହାକାଶ କ୍ଷେତ୍ରରେ ନୂଆ ଇତିହାସ ରଚିବାକୁ ଯାଉଛି ଭାରତ। ବାୟୁସେନାର ଗ୍ରୁପ କ୍ୟାପଟେନ ଶୁଭାଂଶୁ ଶୁକ୍ଲା Axiom Mission 4 (Ax-4) ଅଧିନରେ ଇଣ୍ଟରନ୍ୟାସନାଲ ସ୍ପେସ ଷ୍ଟସନ (ISS) ଯାତ୍ରା କରିବାରେ ପ୍ରଥମ ଭାରତୀୟ ହେବାକୁ ଯାଉଛନ୍ତି ।  ଆସନ୍ତା ମେ ମାସରେ ଶୁଭାଂଶୁ  ଇଣ୍ଟରନ୍ୟାସନାଲ ସ୍ପେସ ଷ୍ଟସନ ଯାତ୍ରା କରିବା ନେଇ ନାସା ପକ୍ଷରୁ ସୂଚନା ଦିଆଯାଇଛି। ନାସାର ଫ୍ଲାରିଡ଼ା ସ୍ଥିତ କେନେଡୀ ସ୍ପେସ ଷ୍ଟେସନରେ ଲଞ୍ଚ କରାଯିବ । ଭାରତୀୟ ମହାକାଶ ଯାତ୍ରୀ ଗଗନଯାନର ମିଶନର ଅଂଶ ହୋଇଥିବା ବେଳେ, ଆସନ୍ତା ମେ’ରେ କାନେଡୀ ସ୍ପେସ ଷ୍ଟେସନରୁ ISS ପାଇଁ ଯାତ୍ରା କରିବେ । ଏହି ମିଶନର ଇଣ୍ଟରନ୍ୟାସନାଲ ସ୍ପେସ ରିସର୍ଚ୍ଚରେ ଭାରତର ଭାଗିଦାରୀରେ ଗୁରୁତ୍ବପୂର୍ଣ୍ଣ ପଦକ୍ଷେପ । ଭାରତୀୟ ବାୟୁସେନାର ଅନୁଭବୀ ପାଇଲଟ ଶୁଭାଂଶୁ ସ୍ପେସଏକ୍ସ ଡ୍ରାଗନ ସ୍ପେସକ୍ରାଫ୍ଟରେ ମିଶନ ପାଇଲଟ ଭାବେ କାମ କରିବେ । ଶୁଭାଂଶୁ ଭାରତର ମହାତ୍ତ୍ବାକାଂକ୍ଷୀ ଗଗନଯାନ ହ୍ୟୁମ୍ୟାନ ସ୍ପେସ ଫ୍ଲାଇଟ ପ୍ରୋଗ୍ରାମ ପାଇଁ ନୋମିନେଟ ହୋଇଥିବା ମହାକାଶ ଯାତ୍ରୀ। ନାସାର ପୂର୍ବତନ ଅନ୍ତରୀଣ ଯାତ୍ରୀ ପେଗୀ ହ୍ବିଟସନ ଏକ୍ସ-୪ ମିଶନର ନେତୃତ୍ବ ନେବେ । ଶୁଭାଂଶୁଙ୍କ ଭାଗିଦାରିତା ଗ୍ଲୋବାଲ ସ୍ପେସ ରିସର୍ଚ୍ଚରେ ଭାରତର ବଡ଼ ଭୂମିକାକୁ ଦର୍ଶାଉଛି  । ୧୯୮୪ରେ ପ୍ରଥମ ଭାରତୀୟ ଭାବେ ମହାକାଶ ଯାତ୍ରା କରିଥିବା ରାକେଶ ଶର୍ମାଙ୍କ ରାସ୍ତାରେ ଚାଲୁଛନ୍ତି ଶୁଭାଂଶୁ  । ଏହି ମିଶନ୍ NASA, Axiom Space ଏବଂ ISRO ମଧ୍ୟରେ ସହଯୋଗକୁ ସୁଦୃଢ଼ ​​କରିବ, ଭବିଷ୍ୟତରେ ମହାକାଶ ଅନୁସନ୍ଧାନ ଏବଂ ମହାକାଶ ଯାତ୍ରା ପାଇଁ ନୂତନ ରାସ୍ତା ଖୋଲିବ । ଶୁଭାଂଶୁ ଶୁକ୍ଳା କହିଥିଲେ ଯେ, ‘‘ଏହା କେବଳ ମୋର ଯାତ୍ରା ନୁହେଁ ବରଂ ୧.୪ କୋଟି ଭାରତୀୟଙ୍କ ଆଶା ଏବଂ ସ୍ୱପ୍ନର ଉଡ଼ାଣ ।’’