ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନା ଦୋଷୀ ସାବ୍ୟସ୍ତ: ମୃତ୍ୟୁଦଣ୍ଡରେ ଦଣ୍ଡିତ କଲେ କୋର୍ଟ

ନୂଆଦିଲ୍ଲୀ: ବାଂଲାଦେଶର ଅନ୍ତର୍ଜାତୀୟ ଅପରାଧ ଟ୍ରିବ୍ୟୁନାଲ (ICT) ଆଜି ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ବିରୋଧରେ ଅଭିଯୋଗ ଉପରେ ରାୟ ଶୁଣାଉଛନ୍ତି। ଏକ ତଦନ୍ତ ରିପୋର୍ଟର କିଛି ଅଂଶ ଉଦ୍ଧୃତ କରି ବିଚାରପତି କହିଛନ୍ତି ଯେ, ସେ ଦେଶରେ ପ୍ରତିବାଦ କରୁଥିବା ସାଧାରଣ ନାଗରିକଙ୍କୁ ହତ୍ୟା କରିବା ପାଇଁ ହେଲିକପ୍ଟର ଏବଂ ଘାତକ ଅସ୍ତ୍ର ବ୍ୟବହାର କରିବାକୁ ନିର୍ଦ୍ଦେଶ ଦେଇଥିଲେ। ଆଇସିଟି ବିଚାରପତି ଏହା ମଧ୍ୟ କହିଛନ୍ତି ଯେ, ତଦନ୍ତ ଦଳ ଘଟଣାଗୁଡ଼ିକର ପୁଙ୍ଖାନୁପୁଙ୍ଖ ତଦନ୍ତ କରିଛି ଏବଂ ଅନେକ ସାକ୍ଷୀଙ୍କ ବୟାନ ରେକର୍ଡ କରିଛି। ରିପୋର୍ଟରେ ଏହା ମଧ୍ୟ ସୂଚିତ ହୋଇଛି ଯେ ଆଦେଶର ଉଦ୍ଦେଶ୍ୟ ପ୍ରତିବାଦକୁ ନିୟନ୍ତ୍ରଣ କରିବା ଥିଲା, କିନ୍ତୁ ସାଧାରଣ ଲୋକଙ୍କ ଜୀବନକୁ ବଞ୍ଚାଯାଇ ନଥିଲା। ଆଇସିଟି କହିଛି ଯେ, ଶେଖ ହସିନାଙ୍କ ଅପରାଧ ମାନବତା ବିରୋଧୀ। ଏହି ସମୟରେ, ବାଂଲାଦେଶର ପୂର୍ବତନ ଗୃହମନ୍ତ୍ରୀଙ୍କୁ ଦୋଷୀ ସାବ୍ୟସ୍ତ କରାଯିବା ସହ ମୃତ୍ୟୁ ଦଣ୍ଡରେ ଦଣ୍ଡିତ କରାଯାଇଛି।