ବିଜେଡିର ଅଭିନବ ପ୍ରତିବାଦ, ଗଙ୍ଗା ଜଳ ଛିଞ୍ଚି ବିଧାନସଭାକୁ କଲେ ପବିତ୍ର

ଭୁବନେଶ୍ୱର : ବିଧାନସଭା ପରିସରରେ ବିଜେଡିର ଅଭିନବ ପ୍ରତିବାଦ ।  ଗଙ୍ଗା ଜଳ ଛିଞ୍ଚି ପ୍ରତିବାଦ କରିଛନ୍ତି ।  ଆଜି ବିଜେଡି ବିଧାୟକମାନେ ଗୃହ ଚାରିପଟେ ପବିତ୍ର ଗଙ୍ଗା ଜଳ ଛିଞ୍ଚିଛନ୍ତି ।  ତେବେ ଏଭଳି କରିବାର କାରଣ ବିଧାନସଭାରେ ପୋଲିସ୍‌ ପଶି ବିଧାୟକଙ୍କ ଉପରକୁ ଆକ୍ରମଣ କରିଥିଲା ।  ପୂର୍ବରୁ ବିଧାନସଭାରେ କେବେ ପୋଲିସ ପଶିନଥିଲା କିମ୍ବା ବିଧାୟକଙ୍କ ଉପରକୁ କେବେ ଆକ୍ରମଣ କରିନଥିଲା । ବିଧାନସଭା ପୋଲିସ୍‌ ପଶି ଅପବିତ୍ର କରିଛି ଯାହାଦ୍ୱାରା ବିଧାନସଭା ଅପବିତ୍ର ହୋଇଛି ।  ସେଥିପାଇଁ ଧାନସଭା ଚାରିପଟେ ମାଟି କଳସରେ ଗଙ୍ଗା ଜଳ ଧରି ଆମ୍ବଡାଳରେ ସିଞ୍ଚନ କରିଛନ୍ତି ବିଜେଡ଼ି ସଦସ୍ୟ । ଅନ୍ୟପଟେ ବିଧାୟକଙ୍କ ଏଭଳି କାର୍ଯ୍ୟ ଦେଖି ବାଚସ୍ପତି ଅନୁରୋଧ କରିଥିଲେ ଗୃହ ଭିତରକୁ କଳସ ଧରି ନ ଆସିବା ପାଇଁ ।  ଏହା ପରେ ବିଜେଡିର ବିଧାୟକ ମାନେ ଗୃହ ବାହାରକୁ ଚାଲି ଯାଇଥିଲେ ।  ବିଧାନସଭା ଭିତରେ ପୋଲିସ ପଶାଇ ବିରୋଧୀ ବିଧାୟକଙ୍କୁ ଆକ୍ରମଣ କରାଯାଇଥିବା ଦଳ ଅଭିଯୋଗ କରିଛି ।  ବିଜେଡି ବିଧାୟକଙ୍କ ଉପରେ ଗତକାଲି ଆକ୍ରମଣ ହୋଇଛି ।  ତାପୂର୍ବ ଦିନ କଂଗ୍ରେସ ବିଧାୟକଙ୍କ ଉପରେ ଆକ୍ରମଣ ହୋଇଥିଲା । ଫଳରେ ଗଣତନ୍ତ୍ରର ପବିତ୍ର ମନ୍ଦିର ଅପବିତ୍ର ହୋଇଛି କହି ଗଙ୍ଗା ଜଳ ଛିଞ୍ଚିଛନ୍ତି ବିଜେଡି ବିଧାୟକମାନେ ।