ତାମିଲନାଡୁରେ NDAକୁ ବଡ଼ ଝଟକା, ଷ୍ଟାଲିନଙ୍କୁ ଭେଟିବା ପରେ ମେଣ୍ଟ ଛାଡିଲେ ପନ୍ନିରସେଲଭମ
ନୂଆଦିଲ୍ଲୀ: ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଓ ପନ୍ନିରସେଲଭମ (OPS)ଙ୍କ ନେତୃତ୍ୱରେ AIADMK ଗୁରୁବାର ଦିନ ବିଜେପି ନେତୃତ୍ୱାଧୀନ NDA ସହିତ ସମ୍ପର୍କ ଭାଙ୍ଗି ଦେଇଛି। ସକାଳ ପଦଯାତ୍ରା ସମୟରେ ମୁଖ୍ୟମନ୍ତ୍ରୀ ଏମକେ ଷ୍ଟାଲିନଙ୍କୁ ଭେଟିବାର କିଛି ଘଣ୍ଟା ପରେ ସେ ଏହି ପଦକ୍ଷେପ ନେଇଛନ୍ତି। ଆସନ୍ତା ବର୍ଷ ତାମିଲନାଡୁରେ ବିଧାନସଭା ନିର୍ବାଚନ ହେବାକୁ ଯାଉଛି। ଏପରି ପରିସ୍ଥିତିରେ NDA ଛାଡିବା ପରେ ରାଜ୍ୟର ରାଜନୀତିରେ ନୂତନ ସମୀକରଣ ଗଠନ ହେବାର ସଙ୍କେତ ମିଳୁଛି। ତାମିଲନାଡୁର ପୂର୍ବତନ ମନ୍ତ୍ରୀ ଏବଂ ପନ୍ନିରସେଲଭମଙ୍କ ଘନିଷ୍ଠ ସହଯୋଗୀ ପନରୁଟ୍ଟି ଏସ ରାମଚନ୍ଦ୍ରନ NDAରୁ ଅଲଗା ହେବା ଘୋଷଣା କରିଥିଲେ। ସେ କହିଥିଲେ ଯେ, ଆମର ଗୋଷ୍ଠୀ ବିଜେପି ନେତୃତ୍ୱାଧୀନ NDA ସହିତ ମେଣ୍ଟ ଭାଙ୍ଗିବାକୁ ଯାଉଛି। ସେହି ସମୟରେ ପୂର୍ବତନ ମୁଖ୍ୟମନ୍ତ୍ରୀ ପନିରସେଲଭମ ମଧ୍ୟ ସେଠାରେ ଉପସ୍ଥିତ ଥିଲେ। ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଓ ପନ୍ନିରସେଲଭମ ସମ୍ପ୍ରତି ପ୍ରଧାନମନ୍ତ୍ରୀ ମୋଦୀଙ୍କୁ ଏକ ଚିଠି ଲେଖି ତାଙ୍କ ସହ ଆନୁଷ୍ଠାନିକ ସାକ୍ଷାତ ପାଇଁ ସମୟ ମାଗିଥିଲେ। ତାଙ୍କୁ ସାକ୍ଷାତ ପାଇଁ ସମୟ ଦିଆଯାଇ ନଥିଲା। କୁହାଯାଉଛି ଯେ, ସେ ଏଥିପାଇଁ ଅସନ୍ତୁଷ୍ଟ ଥିଲେ। ଏହା ପରେ ସେ ସର୍ବଶିକ୍ଷା ଅଭିଯାନ (SSA) ପାଇଁ ପାଣ୍ଠି ବଣ୍ଟନରେ ବିଳମ୍ବ ପାଇଁ ସୋସିଆଲ ମିଡିଆ ମାଧ୍ୟମରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲେ।
