ଶୁଭଙ୍କର ମିଶ୍ରାଙ୍କ ପାଇଁ ବଢିଲା ଅଡୁଆ: ସିଂହଦ୍ୱାର ଥାନାରେ ଏତଲା ଦେଲେ ବରିଷ୍ଠ ସେବକ
ଭୁବନେଶ୍ବର: ସୋସିଆଲ୍ ମିଡିଆ ଇନ୍ଫ୍ଲୁଏନ୍ସର ଶୁଭଙ୍କର ମିଶ୍ରାଙ୍କ ପାଇଁ ବଢିଲା ଅଡୁଆ । ଶୁଭଙ୍କର ମିଶ୍ରାଙ୍କ ନାଁରେ ଥାନାରେ ହେଲା ଏତଲା । ସିଂହଦ୍ୱାର ଥାନାରେ ଏତଲା ଦେଲେ ବରିଷ୍ଠ ସେବକ ଗୌରହରି ପ୍ରଧାନ । ଶ୍ରୀମନ୍ଦିର ଓ ମହାପରଭୁଙ୍କ ବିଷୟରେ ଅପପ୍ରଚାର ଅଭିଯୋଗରେ ଏତଲା କରାଯାଇଛି । ସୋସିଆଲ୍ ମିଡିଆରେ ଅପପ୍ରଚାର ପାଇଁ ଦେଲେ ଏତଲା । ପ୍ରେମୀଯୁଗଳ ବିବାହ ପୂର୍ବରୁ ଶ୍ରୀମନ୍ଦିର ଆସିଲେ ବିବାହ କରିପାରିବେନି କହିଥିଲେ ଶୁଭଙ୍କର। ସେ ନିଜର ଏକ ପଡ୍କାଷ୍ଟ ଭିତ୍ତିକ କାର୍ଯ୍ୟକ୍ରମରେ ଶ୍ରୀମନ୍ଦିର ଉପରେ ମା ରାଧାରାଣୀଙ୍କ ଅଭିଶାପ ଥିବା ମଧ୍ୟ କହିଥିଲେ । ଶୁଭଙ୍କର ମିଶ୍ରାଙ୍କ ଏହି ବିବାଦୀୟ ମନ୍ତବ୍ୟକୁ ନେଇ ଗତକାଲି ପୁରୀ ଜିଲ୍ଲାପାଳ ଦିବ୍ୟଜ୍ୟୋତି ପରିଡା ପ୍ରତିକ୍ରିୟା ଦେଇ କହିଥିଲେ ଯେ ରିପୋର୍ଟ ପରେ କାର୍ଯ୍ୟାନୁଷ୍ଠାନ ନିଆଯିବ । ମନ୍ତବ୍ୟରେ କେତେ ସତ୍ୟତା ଅଛି କମିଟି ତର୍ଜମା କରିବ। ଗୁଜବ ପ୍ରଚାର କିମ୍ବା ଭୁଲ୍ ତଥ୍ୟ ପ୍ରଚାର ନ କରନ୍ତୁ। ସଂସ୍କୃତିକୁ ଅବମାନନା କରି ମନ୍ତବ୍ୟ ଦେଲେ କାର୍ଯ୍ୟାନୁଷ୍ଠାନ ହେବ ।
